為 B 驕傲：ecostore 正式成為B Corp 共益企業

ecostore 唔只係關注財務上嘅業績，品牌嘅核心價值係為咗令世界變得更安全，將大家嘅健康放喺首位，為大家提供不含有害化學物質嘅產品選擇。

當地球嘅未來同人類嘅健康比過往任何時候都更加危險時，我哋意識到品牌需要做更多嘅事情。因此，我哋好高興宣佈，喺 2021 年 8 月，ecostore 已經為我哋喺澳洲嘅業務獲得咗嚴格嘅 B Corp 共益企業認證。

B Corp 共益企業係一啲致力減少社會不平等、降低貧困水平、打造更健康環境，以及創造更多有意義嘅高質量工作機會嘅企業。我哋嘅總裁Pablo Kraus 分享咗成為 B Corp 共益企業對品牌嘅意義，同埋呢個認證對顧客嘅重要性。

 

獲得 B Corp 共益企業認證點樣同ecostore嘅企業目的保持一致？

 

ecostore 嘅企業目的係令世界變得更安全，由每一個人、每一個家庭做起。呢個同成為 B Corp 共益企業 係相當一致嘅，因為我哋利用我哋嘅資源令世界變得更美好。

 

點解要成為 B Corp 共益企業？

 

B Corp 共益企業嘅吸引之處，就好似ecostore一樣，佢嘅目的係關愛人類同地球，無論係現在定係未來。 B Corp 共益企業係企業（而唔係個人或者慈善機構），而呢啲企業將業務嘅基礎建立喺關注環境、社區同埋員工嘅文化之上。成為 B Corp 共益企業就係利用我哋作為企業擁有嘅金錢、人力同埋關係去幫助世界變得更美好，係我哋一直奮鬥緊嘅事。

 

眾所周知，要拎到B Corp 共益企業認證係極具有挑戰性。你可唔可以分享一下呢個過程？

 

呢個係一個好長嘅過程！首先，我哋檢查 B 型企業影響評估 (BIA) 中嘅每個問題，以了解我哋嘅得分方面嘅情況。呢個係一個巨大嘅學習過程，幫助我哋理解乜嘢係 B Corp 共益企業以及佢嘅框架點樣同ecostore保持一致。其次，我哋必須決定呢個係我哋想要參與嘅事，然後指派一組同事去負責整個過程。佢哋花咗一年幾嘅時間同公司各個方面嘅團隊合作，通過喺所有BIA嘅影響領域中獲得至少 80分去獲得 B Corp 共益企業認證。

 

B 型企業認證過程有冇揭示咗業務中令你感到驚訝嘅事？ecostore喺邊啲方面做得比你預期嘅好同埋差？

 

比預期好：我哋實踐具包容性嘅招聘，因為我哋希望ecostore成為大家工作嘅好地方，但對於認證，我哋必須實際衡量呢啲實踐嘅影響。得知我哋喺聘用女性作為管理層（超過一半）​​、年齡多樣性（超過 30% 嘅員工年齡喺 24 歲以下或者超過 50 歲），同埋聘用少數族裔作為管理層（超過 30% ）。

 

比預期差：評估環境部分顯示，雖然我哋嘅水足跡很好，但確實有空間改進。呢個激發咗我哋研究現場再造並利用廢水以進一步減少消耗嘅解決方案。

 

展望未來，B Corp 共益企業會點樣影響公司業務決策？

 

成為 B Corp 共益企業唔會改變 ecostore，但係呢個身分將會根深蒂固地成為我哋嘅一部分，並作為一套指導方針去製定我哋持續改進嘅路線。佢成為咗我哋實現承諾嘅推動力，激勵我哋完成好多正在進行嘅事情，例如：為我哋嘅供應鏈實施行為準則。確保每一個決定都有正確嘅原因，並為所有利益相關者嘅角度著想。隨住我哋衡量嘅更多，我哋就更認真地管理我哋嘅行為，務求超越只係財務上嘅成功。

 

ecostore成為B Corp 共益企業，對顧客又有咩影響？

 

喺ecostore產品上睇到 B Corp 共益企業嘅標誌代表住你可以相信產品唔單止更安全、更可持續，而且你正在支持一間正式、負責任地致力造福人類同地球嘅公司。你會知道我哋已經通過最嚴格嘅流程去審視業務嘅各個方面，並且識別我哋為一間同你有共同價值觀嘅公司。

 

想像一個所有公司都係 B Corp 共益企業嘅世界 — 會係點樣呢？

 

喺一個每個人都遵守規則嘅世界裡面，每個人都竭盡全力以合乎道德嘅方式開展業務，保護人類同地球。唔會有公司為咗取得成功而作弊或者欺詐，而個人同企業會因為做好事而獲得獎勵同認同。

 

除咗 ecostore之外，你最欣賞邊間 B Corp 共益企業同點解？

 

Allbirds。因為佢係新西蘭裔美國人嘅企業，利用新西蘭人嘅獨創性，喺本地採購，再喺全球擴展，並同世界上其他最大嘅鞋公司競爭。由始始終都好有理念咁發展佢嘅業務，並用 B Corp 共益企業嘅評估標準，以正確嘅方式去推動事務成功。

 

作為一家間B Corp 共益企業，ecostore 嘅下一個目標係乜嘢？

 

我哋確定咗五個重點關注嘅領域：

 

1. 成為經認可嘅「生活工資」僱主
2. 提供更多循環解決方案
3. 提供更多帶有Environmental Choice New Zealand紐西蘭環境選擇生態標籤嘅產品
4. 喺我哋嘅生產過程中增加水嘅再利用
5. 降低我哋運營嘅碳強度並使用更多嘅可再生能源去抵消

 

你有冇咩說話想同其他正在考慮申請 B Corp 共益企業認證嘅公司講？

 

一於放膽去做！第一步，就係花啲時間去閱讀並完成調查問卷，睇下你嘅企業參與認證嘅可行性。如果結果係正面嘅話，你將會深入了解到點樣做可以令公司成為“偉大”嘅企業，以及你嘅公司可以喺邊啲方面可以輕鬆地獲得勝利同進步。對員工、社區同地球嘅影響唔單止會推動你業務嘅可持續性，仲會推動你成功嘅底線。

 

查看ecostore嘅 B 影響報告